Pa lei e trahado fleksibel meste haña rekompensa pa su fleksibilidat.
Fleksibilidat meste tin benifisio p'e trahado tambe.

Si fleksibilidat ta inevitabel, orei e trahadó mester haña un rekompensa ku ta balapena. Masha simpel. E trahadó lo sobra mas den su saku. Esei lo ta un alivio apesar di no tin un trabou fiho ainda. Tenshon sosial ta keda akseptabel sin mester negosha muchu.  Desigualdat entre trahado pa su status legal lo ta menos.

YENA E ENKUESTA mesora i duna bo opinion.

Eseinan ta algun di mi i MANPIN su motibunan pa sinta ku gruponan sosial pa konverti e idea aki den un proposishon di lei. Tur esaki segun e modelo tri-partite, ku asistensia di ILO (Organisashon Mundial di Labor). Den e trayekto ei mester papia tambe di modernisashon pa subi e nivel dje sektor di ofisinanan di empleo (uitzendbureau's).

Den mundu kada dia e kambionan ta mas lihe. Pesei mundialmente e nesesidat pa ta fleksibel ta krese tur dia. Na Kòrsou tambe nos ta mira esei den e kantidat di kontrakt di trabou kortiku. Inevitablemente tur loke ta den mundo ta yega aki. Fleksibilidat laboral tambe. Pero no mag ta sina ku ta e doño di trabou so tin benefisio direkt di esaki. Pesei MANPIN i ami spesifikamente ta para pa introdusi un sistema ku, pa lei, e trahado fleksibel ta haña rekompensa pa e hecho ku e ta traha fleksibel. Den kombersashon ku otro mester pensa ki tipo di kompensashon.

Wak parti dje kapitulo riba labor den MANPIN su dokumento elektoral 'Programa di Maneho i Vishon'.

Pa sa mas dje topiko aki, lesa e kapitulo tokante empleo i derecho laboral den MANPIN su programa di Maneho i Vishon 2025.