For di hoben mi tin interes den politika. P'esei ma studia politikologia.
E interes den politika ta un fasinashon ku tur loke ta trata interes general i kon gobernashon i e aparato publiko por yuda tur suidadano i grupo di interes pa bai dilanti.

Importante den politika - Ta importante pa presenta un pensamentu, vishon i direkshon kla i komprendibel. Desaroyo di hende i komunidat mester ta sentral. Ta imperativo pa krea dialogo entre tur klase sosial i gremio. Politika mester hasi posibel ku ta organisa un komunidat di tal manera ku kada habitante i gremio ta jega na un desaroyo optimal, kreando asina bienestar pa tur.

PIN un vehikulo ideal - PIN ta un kombinashon perfekto di eksperensha den politika, gobernashon, organisashon politiko i traspaso di konosementu.

Mas di mi mes - Ma nase na 1970 na Aruba, for di un mama dje isla Montserat i un tata di Kòrsou. Ma studia politikologia, bedrijfsinformatica i hasi kursonan dirigi riba e mundo editorial tradishonal i digital.
Ya pa 19 aña mi ta gerente general di un ofisina di empleo.

Banda di trabou - Mi ta miembro dje konseho di supervishon di BTP i presidente dje Komishon di Bus Chiki. Pa hobi ya pa 11 aña mi ta empaya den liga hubenil Soraida Juliana, e liga ofisial di softbol pa mucha muhe.

Areanan di interes spesial - Ekonomia, teknologia, labor, forsa di kompra i transporte publiko.